北京老家 (已搬遷) 新店位置

讲起北京老家，大家一定会好快就谂起佢最出名嘅唔系乜嘢食物，而系枱入面有一条条活生生嘅金鱼。其实我自己就怕金鱼嘅，所以对佢张枱真系冇乜好感，好想快啲上晒啲嘢食，可以遮住佢。叫咗个我最钟意食嘅北京填鸭，一上枱已经闻到强烈嘅鸭油香，配埋热辣辣嘅皮，夹埋青瓜一齐食，顶呱呱！个类似松子鱼嘅鱼都做得唔错，炸得好通透，外层好脆，但系里面嘅鱼肉仲好滑。酸酸甜甜都几好食。最后仲有杏仁豆腐，同埋拔丝番薯，两个甜品都唔错， 但系我钟意杏仁豆腐多啲，唔会太甜，食落比较清新，杏仁豆腐仲好滑添。