吉列牛忌廉烏冬專門店 (百樂中心) (已結業)

太耐冇出过外国，思乡既念头慢慢涌现出来，适逢疫情冇咁严重就约朋友出街食饭，就拣左去食吉列牛。我地点套餐($246)，有吉列牛定食 和 香辣忌廉鸡肉炒面。吉列牛定食，入座后就见到个好得意既石烧盅仔，正式上菜啦，热切期待，牛肉外层有层金黄色既吉列粉，肉质呈嫩粉红色，食材新鲜，放上热石盅烧一阵就可以食，不过太熟否则牛肉较韧，我个人喜欢带少少红色肉质，因为食落软腍有肉汁，配埋个白色既酱一齐食简直一流，酱用左沙律沟芥末。香辣忌廉鸡肉炒面，哩个菜式唔算太辣，好岩香港人食，忌廉味较浓郁，面条煮得岩岩好，唔会过腍，我就钟意将吉列牛果到既wasabi和豉油沟埋，再捞埋面一齐食，更加好味。蒜片牛舌芯($58)，系用牛舌最精华部位，所以每片价钱都贵，但都合理，牛舌爽口有咬口，蒜片都好香口。Citrus Ocean (套餐+$18)，系柚子梳打加薄荷叶，清新解油腻感，底部放左柚子皮，我自己有食，味道不错。