姨婆瑪麗 (已結業)

第一次經過姨婆·瑪麗，覺得個名好趣怪，佢將馬來西亞怡保Ipoh好搞鬼咁譯成姨婆，咁我又鍾意食馬拉菜，就嗱嗱聲入去奉獻咗第一次，之後又再去過幾次。今日中午路過，肚仔有啲餓，見唔使等位，就即刻入去坐低。店員一貫好禮貌，我點咗個怡保芽菜雞飯套餐，唔使2分鐘就黎到。見到碟雞即時好開心，因為佢俾咗個雞肶我，咬一啖，嫩滑好味，再沾上有爆香咗蔥頭嘅醬油，真係好滋味，芽菜又肥嘟嘟，好爽套餐配上無糖烏龍茶，好飲，台灣製造。