魔膳廚房 (已結業)

有日食lunch发现呢间餐厅，见到晚饭自助餐有6折，就拉埋同事上来食。由地下上来嘅布置都好靓！地方好阔落，自助餐分咗3个区域，近门口就放饮品同甜品中间就摆冷盘，例如自制沙律、唔同款式嘅芝士、蒜蓉包、虾片、仲有风干火腿可以拣。近墙边就摆咗好多热食，例如炒饭、炒蚬、鸡翼、猪肋骨、牛排等等。仲有串烧、春卷。多到就算每款食一件都食唔哂。食物质素方面，自助餐好多时食物嘅质素同味道比会比一般餐厅差啲，因为自助餐煮嘅量好多好大份，要做到好食，调制味道分面好花功夫。呢度嘅自助餐食物不单止冇「自助餐就系差啲」呢种感觉，反而睇得到佢哋有心思去整。就好似呢条猪肉肠咁，外面煎得好脆，好有口感。系一大盘食物中整到咁实在唔易。除咗好多嘢食可以自己拎，每一枱都会跟人头有一盘海鲜。系拎完一轮嘢食，待应就捧住盘海鲜过嚟。海鲜拼盘入面有鲍鱼、鱿鱼圈、帆立贝、蚬、青口、虾，底部就有青瓜、萝卜、栗米。整盘海鲜用咗龙虾汁调味。趁一上盘仲出紧烟就立即拎咗只鲍鱼，鲍鱼系一人一件唔怕唔够分。鲍鱼蒸得好嫩，咬落去一啲都唔韧，仲有嚼劲。甜品方面，我就拎咗椰汁糕、芒果布甸、果挞同埋提拉米苏。椰汁糕好清，好适合最后清下个口。除