荷葉冰室

营业中

休息中

同屋企人去完街已经好夜买唔到𩠌，升起附近开咗间茶餐厅。屋企人又攰攰地索性简简单单食个茶记就算。估唔到佢啲小炒又几吸引，研究过后三个人都系叫个二人餐再加个小菜比较划算。整体上份量系足，食物味道就有改善嘅空间，譬如只沙姜鸡就咸左少少。酸菜鱼啲鱼片系几滑唔错，但系个阳酸度就唔够系淡咗少少，浪费左d豆卜。饮完个例水无口干系小赞，不过个红豆冰就怪怪地，白色𠮶啲好似系花奶又有少少唔似，总之同平时饮嘅红豆冰有少少出入。另外，几钟意佢个西兰花花枝炒虾球，啲虾肉劲爽有冇虾肠，唔知系咪来货已经整好咗，不过冇虾肠呢方面又真系细心嘅。个铁板茶树菇牛柳粒，都好足料，味道都浓郁，用铁板上，但系焦香味就唔系好足。整体味道嚟讲，茶餐厅都算系中上，份量直头足到捧住个肚出门口。之后再冻啲要试埋去啲鸡煲。