影片
更多
2018-09-16
1169 浏览
今晚约咗朋友去土瓜湾食饭， 返嚟行去唔知食乜好， 最后就入咗呢间囍庆艺厨酒家。放工已经攰到死，根本就唔想谂叫乜嘢𩠌。见到有二人餐而且仲有8𩠌1炒饭，梗系即叫啦。啲𩠌都要等耐少少先至嚟，唔通系因为赛马日~上汤焗龙虾伊面，每人半只开边，二人分量嚟计， 龙虾唔算十分细只，伊面热辣辣几好食。如果有得选择芝士焗龙虾就更加好啦~豉汁蒸元贝2只，唔好睇佢细细只， 豉汁既味道真系唔错。白灼生猛海虾4只，大细同埋味道都系一般水平，不过不失啦~清蒸海上鲜，侍应话系仓鱼，但系我觉得有少少似立鱼。但系不论鱼嘅品种，成条鱼的确系滑嫩同埋新鲜既，比较满意。酥炸大生蚝2只，都几香口同埋脆嘅。油盐水浸花甲，同埋粉丝配埋一齐都鲜味㖞，粉丝配饭都可以。红烧王子鸽一只，每人食半边啱啱好，色水虽然系一般，但可能炸完后即刻攞出嚟，所以层皮都几香脆。食完炸晒嘢嚟返一个金银蛋浸菜苗就啱啱好喇，菜都几新鲜吖，配皮蛋咸蛋真系冇得输炒饭有少少特别，系虾仁炒饭炒完之后先会将提子干同埋葱花洒系上面，食落甜甜地都几得意。最怕浪费食物，有成8样𩠌，起初都有少少担心食唔晒，好彩分量控制得好，两个男人绝对食得晒。两个人，八样𩠌，一碟炒饭，包埋茶芥，
放工已经攰到死，根本就唔想谂叫乜嘢𩠌。见到有二人餐而且仲有8𩠌1炒饭，梗系即叫啦。
啲𩠌都要等耐少少先至嚟，唔通系因为赛马日~
上汤焗龙虾伊面，每人半只开边，二人分量嚟计， 龙虾唔算十分细只，伊面热辣辣几好食。如果有得选择芝士焗龙虾就更加好啦~
豉汁蒸元贝2只，唔好睇佢细细只， 豉汁既味道真系唔错。
白灼生猛海虾4只，大细同埋味道都系一般水平，不过不失啦~
清蒸海上鲜，侍应话系仓鱼，但系我觉得有少少似立鱼。但系不论鱼嘅品种，成条鱼的确系滑嫩同埋新鲜既，比较满意。
酥炸大生蚝2只，都几香口同埋脆嘅。
油盐水浸花甲，同埋粉丝配埋一齐都鲜味㖞，粉丝配饭都可以。
红烧王子鸽一只，每人食半边啱啱好，色水虽然系一般，但可能炸完后即刻攞出嚟，所以层皮都几香脆。
食完炸晒嘢嚟返一个金银蛋浸菜苗就啱啱好喇，菜都几新鲜吖，配皮蛋咸蛋真系冇得输
炒饭有少少特别，系虾仁炒饭炒完之后先会将提子干同埋葱花洒系上面，食落甜甜地都几得意。
最怕浪费食物，有成8样𩠌，起初都有少少担心食唔晒，好彩分量控制得好，两个男人绝对食得晒。
两个人，八样𩠌，一碟炒饭，包埋茶芥，四百几蚊又唔算贵㖞。 虽然味道同埋卖相唔系乜嘢酒店质素， 但系性价比系非常之高。如果放工攰攰哋 ，唔想烦恼谂食乜嘢，但系又想大堆头，呢度系好好嘅选择。
张贴
