六公館

营业中

休息中

贵，唔紧要，行得入嚟预咗使钱，但两分钱一分货，绝对唔值得为个景入嚟。 三道菜：居然前菜最后先上，以一间包装到咁高级既餐厅，服务水准实在九流 (忽然稔起鹿鸣春服务一流)。 另外，最简单连上茶都唔识先冲一冲、泡一泡先攞出嚟，因为一个人饮，最终饮到最后一杯先出味，无瘾！第一道上既系餐厅推介既黑毛猪义烧，老实讲，用料系靓，但煮功普通，落蜜糖亦太重手。第二道，北海道牛奶炒龙虾，期待煮功，可惜牛奶似蒸多过炒，同凤城差得远 (屯门分店系近期最爱)。 另外龙虾肉唔多，唔似足一只份量。第三道，前菜冻虾球 (Chilled Prawn)，原来系黑松露味，唔系好属开胃菜，可能厨房都知所以放在最后。 自己有点失败，连续两道是虾肉，可惜经理都无主动提醒。比较满意系杯鸡尾酒：香茅椰子酒 (个人推介)。上菜速度太急，似要赶做多几转咁。 性价比实在低。 不过，眼见十枱有八、九枱都系游客，都希望佢地赚多点，继续为香港经济作出贡献。