Amazake (已結業)

朋友生日饭，之前睇评价唔差，book左黎试。6点准时入座，有得选择当然拣左最埋嘅卡位坐，想静静地。All you can eat $320/位，未计加一。选择并唔系太多，但每样食下都试唔晒。第一转系唔洗落order，佢会每样都上啲俾你食。有：杂锦炸物：炸饺子🥟，炸鸡，炸鸡翼天妇罗：虾，蕃薯🍠，秋葵，冬菇沙律：牛肉/猪肉沙律（佢会叫你二选一先）寿司：三文鱼卷，吞拿鱼卷，加州卷串烧：鸡肾，五花腩，冬菇，鸡软骨刺身：三文鱼，甜虾，带子，油甘鱼净系食呢转基本已经饱晒。之后叫左个主菜，主菜每人只限叫一次。我地选左甜汁三文鱼扒同姜汁豚肉。好彩黎到个主菜好细份，好惊食唔落。之后再追加左带子刺身同油甘鱼，份量一啲都唔少，仲要厚切好新鲜😋😋抵晒。推荐嘅仲有串烧鸡软骨👍🏻👍🏻最后甜品：芝麻雪米磁，都系每人限一份仲有鳗鱼饭，牛肉乌冬同刺身饭，不过已饱上心口，无试到。整体服务都唔错，埋单连加一人均$350。出边低质素放题都要二百几。注意：晚市放题好似唔系晚晚都提供。