唐

营业中

休息中

今日系同女朋友嘅大日子，所以一早就预订好位于屏山嘅「唐」，住喺元朗有咁上下历史嘅居民都应该知道以前该处系惠群小学，势估唔到依家会变咗间餐厅！呢度气氛唔错，有游乐设施提供俾小朋友，有人现场唱歌，泊车又系免费，论位置同地方绝对值得几个家庭「一家大细」嘅亲朋戚友多人去聚会食物方面，老实说性价比真系唔高，我觉得价钱贵唔系问题，最大问题系食物反映唔到价钱嘅质素。先讲头盘，我相信算系我哋两个叫咗最好食嘅一碟，有芝士、密瓜同parma ham，食完的确系几开胃。之后到主菜就系肉眼扒同厨师推介嘅鸡肉pizza，肉眼扒5成熟但系食落似7成，肉汁系丰富，不过太多筋。至于pizza就完全冇特别，真系去pizza hut求其叫个都好食过呢个！饮品我叫咗柠檬加姜，姜味唔够辣，如果辣多少少会好饮好多。女朋友叫咗杯特饮，反而呢杯就几特别，但系名就唔记得，可以睇相参考下。