漁道樂 (已結業)

👦🏻👧🏻对日本料理都冇乜抵抗力，咁岩有野做要系尖沙咀出没，于是就揾左一间居酒屋式既日本料理试下喇。同日本唔同既系通常香港既日本料理都系乜都有得食咁济，今次依间亦唔例外，寿司、烧烤、锅物，应有尽有。种类黎讲系可以既，品质算中规中矩，唔算好有惊喜，但又唔会觉得品质唔好。鲜甜度亦都系不过不失，如果比较有印象会系甜虾同带子，口感上都感受到唔系低价位货。依个组合简真就系👦🏻既至爱，和牛虽然未去到入口即融，有少少筋，但佢果个牛味系愈𡁻愈出。蚝本身有微微灼过，如果好怕全生蚝既朋友应该会比较易接受。牛同蚝两者味道都好夹，和牛既腻香同𡁻愈咬愈香既牛味，完全唔会比霸道蚝味抢走，反而慢慢融合，升华去另一个鲜甜味。点依一道纯粹系想饱肚啲，咁佢亦都充分发挥到功效，海胆作为主角亦系不过不失，系新鲜，完全唔会有异味。甲罗烧有分2大种类，有额外调味同无调味纯鲜味版，依个就系无调味版，会有专人即场帮你烧，熟度各方面都有专人为你准备，而依个专人亦相当专业，控制得相当好。新鲜度十足，烤既人系调味同熟度掌握都相当了得，相信都系工多艺熟。凡立贝最令人难忘，食完仲可以饮埋个汤汁，极鲜甜！以食物质素黎讲其实整体都算中上，但系价钱就