影片
更多
2023-02-28
193 浏览
星期日好天气好心情谂住试间环境几靓嘅cafe, 睇到OpenRice评价好味有50个唔好味得几个, 心谂都应该无死啦, 觉得唔好味嘅可能系咁啱得咁桥姐, 入到去餐厅都觉得个格局唔错好有日本风味, 坐低咗睇一睇餐牌lunch$168一个餐, ok! 唔系成日食咁贵一餐半餐就试试佢咩料! $168嘅Lunch包前菜+米意粉+面包+汤+两款小皿, 唔包饮品汤拣咗奶油炖野菜鸡肉浓汤, 小皿分别拣咗慢煮鸡肉配蜂蜜柚子胡椒同日式明太子野菌酥皮脆盒, 另外叫咗杯热嘅日本浓厚黑芝麻饮首先! 上个汤嘅时候下面配埋个蜡烛仔继续座热, 汤嚟讲个温度就算用唔用蜡烛仔座热都应该要系热架啦, 但大佬呀成兜嘢连暖都唔系, 味道唔止淡而系连奶油或者鸡味都无, 连自己开个金宝汤煮两煮都好味过佢, 味道同温度摆埋一边, 讲埋个份量, 真系好嘢! 成兜嘢得三旧鸡肉、两旧薯仔、两块萝卜片同两旧西兰花…就系得咁多! 咦!! 而家食Lunch㖞, 有无饱肚少少嘅淀粉质, 原来系有嘅! 面包前面𠮶兜仔就系米意粉, 侍应话倒埋入个汤嚟食, 捞埋落去食都唔见得有饱腹感, 亦无口感, 极度失望! 𠮶碟慢煮鸡肉冻嘅都预咗, 但成餐无一样
$168嘅Lunch包前菜+米意粉+面包+汤+两款小皿, 唔包饮品
汤拣咗奶油炖野菜鸡肉浓汤, 小皿分别拣咗慢煮鸡肉配蜂蜜柚子胡椒同日式明太子野菌酥皮脆盒, 另外叫咗杯热嘅日本浓厚黑芝麻饮
首先! 上个汤嘅时候下面配埋个蜡烛仔继续座热, 汤嚟讲个温度就算用唔用蜡烛仔座热都应该要系热架啦, 但大佬呀成兜嘢连暖都唔系, 味道唔止淡而系连奶油或者鸡味都无, 连自己开个金宝汤煮两煮都好味过佢, 味道同温度摆埋一边, 讲埋个份量, 真系好嘢! 成兜嘢得三旧鸡肉、两旧薯仔、两块萝卜片同两旧西兰花…就系得咁多! 咦!! 而家食Lunch㖞, 有无饱肚少少嘅淀粉质, 原来系有嘅! 面包前面𠮶兜仔就系米意粉, 侍应话倒埋入个汤嚟食, 捞埋落去食都唔见得有饱腹感, 亦无口感, 极度失望! 𠮶碟慢煮鸡肉冻嘅都预咗, 但成餐无一样嘢系热嘅, 因为叫咗𠮶杯热日本浓厚黑芝麻饮都唔系热嘅😂$60杯嘢又细杯, 成餐唯一得𠮶个日式明太子野菌酥皮脆盒系暖暖地…食完个餐见唔饱另外再叫咗个$70丹麦骰子香缇奶油吐司焙茶味, 谂住咸食唔得就试下甜食, 都系无咩特别不值一提!
除咗食物唔得之外, 服务都唔见得好好, 侍应有两个, 见到在场所有枱上晒嘢食之后, 见隔离枱嘅食客想揾侍应但揾唔到, 直到我要埋单就行出去收银枱, 原来两个侍应就系坐咗系好高嘅收银枱后面倾计㩒电话, 所以入面嘅食客想揾人都揾唔到, 而坐系餐枱望入去厨房一目了然, 明知会比食客睇到晒入面嘅一举一动都唔做好少少, 见到入面嘅厨师将两个丹麦骰子香缇奶油吐司互相拍嚟拍去好似当玩咁, 冲嘢饮唔熟手都算, 但见到有厨师…咁唔专业都唔知成班系唔系厨师, 厨房入面有职员仲无戴手套就拎部手机出嚟㩒, 㩒完再整啲吐司都无戴手套或者洗手先掂, 唔专业之余卫生都唔见得做得好…
未食完成餐已经食到成肚火, 好耐无试过去餐厅食嘢食到咁嬲!!! 真系搞唔掂! 徙钱之余仲破坏咗成日嘅心情!
张贴
