滾火鍋 (已結業)

放假同屋企人想揾个边炉十下十下，咁岩揾到依间「滚火锅」，门口既员工都好好客咁邀请我地入去。 一入到门口，格局四四方方，座位够大够舒服 坐低唔够一阵，店员就拎左四杯特饮比我地，饮完之后更加开胃 想即刻食野。配料新鲜，而且餐厅环境好干净！抵赞 汤底方面，叫左鸳鸯汤底，清汤豆腐拼沙嗲，都好够味 但唯独系落单之后，店员先再推荐炖汤汤底！搞到要下次黎，先可以试到！(仲话系招牌汤底) 我地前后叫左：安格斯肥牛，本地牛展，响铃，猪下青，黑松露鲜虾水饺，黄金午餐肉，仲有黄金炸豆腐。其他真系太多讲唔哂。但安格斯肥牛，猪下青，黄金午餐肉，黄金炸豆腐，真系要点名encore。肥牛既摆盘同埋卖相值得一赞，唔会话好似其他铺头求求其其，而且渌几秒就食得，入口即溶👍🏽 绝对对得住个价钱。而猪下青，我都系第一次食，外型卖相一流 影相放上网呃like 一定走唔甩黄金豆腐同黄金午餐肉，炸到岩岩好，依两样野都再加单再叫多份😂 午餐肉 未落炉渌既时候，已经同屋企人食哂，要再叫多份专for边炉！最后最后！一定要大赞餐厅员工服务态度，沿途向我地介绍唔同既食物，而且仲教埋我地唔同食法！