大壹燒鵝 (啟田大廈)

营业中

休息中

今日做完嘢就去附近见到一间烧味餐厅食饭，结果入到去除咗烧味之外原来仲有小菜嘅，虽然𠮶日星期一，但座无虚席，仲要等位添。我哋两个人嗌咗个二人餐，性价比超高，有汤，饭同埋一个烧味再加两个小菜。我哋嗌咗个叉烧拼豉油鸡，原来呢间餐厅出名系叉烧，佢系半肥瘦嘅，咬落去肥肉同瘦肉加埋一齐，特别送饭。另外嗌咗个西兰花炒虾球， 虾球啖啖肉，一啲都冇偷工减料，西兰花亦都好爽脆。最后呢我哋嗌咗个咖喱牛腩，呢个真系有惊喜，原来佢原煲上热辣辣咁，薯仔炸得非常之香脆，连个咖喱汁都非常惹味，$288黎讲系物超所值。