影片
更多
2020-09-20
5721 浏览
早排某日放工同几个同事去咗打边炉，粥底火锅都食过两三次，但就未帮衬过锅心。佢喺Office附近有分店，放工行过去就有得食，劲方便我哋😊。我印象中餐厅劲高人气，上年闲日Walk-in无位，但今次我哋晚上六点半钟去到就直接入得，仲有位剩。餐厅分3️⃣三轮用膳时间，分别系(A)18:00-20:30、(B)20:30-23:00以及(C)23:00-02:00；店员系会好准时清场的！现时政府防疫措施对营业时间有所影响，应该做得两轮。餐厅收费好简单，就如佢哋所讲「喺锅心绝无海鲜价！」，按人头划一收费$200，唔需要另收加一服务费同酱料费👍。不过留意番价钱就唔包饮品，另外亦有每日精选特价海鲜可以追加。店员先递上调味架，比我哋沟酱油🥢。首先要拣选嘅系粥底鲜味灵魂二选一，肉蟹🆚波士顿龙虾(每位加$20)，而沙白蚬系必点项目。我哋四个人每款各嗌二，每人份量为半只，即合共一只蟹同一只龙虾🦀。肉蟹，真系好好肉，特别系个蟹钳，但蟹肉愈好食，个蟹壳普遍都愈硬。就算用工具都要出尽九牛二虎之力😭。波士顿龙虾，虽然系过份包装，但肌肉亦非常发达。虾身同钳都有肉食，而且波士顿品种无咁多刺，易剥啲😜。自选海鲜七选五，我哋好有
我印象中餐厅劲高人气，上年闲日Walk-in无位，但今次我哋晚上六点半钟去到就直接入得，仲有位剩。餐厅分3️⃣三轮用膳时间，分别系(A)18:00-20:30、(B)20:30-23:00以及(C)23:00-02:00；店员系会好准时清场的！现时政府防疫措施对营业时间有所影响，应该做得两轮。
餐厅收费好简单，就如佢哋所讲「喺锅心绝无海鲜价！」，按人头划一收费$200，唔需要另收加一服务费同酱料费👍。不过留意番价钱就唔包饮品，另外亦有每日精选特价海鲜可以追加。
店员先递上调味架，比我哋沟酱油🥢。
首先要拣选嘅系粥底鲜味灵魂二选一，肉蟹🆚波士顿龙虾(每位加$20)，而沙白蚬系必点项目。
沙白蚬
62 浏览
0 赞好
0 留言
肉蟹
50 浏览
0 赞好
0 留言
波士顿龙虾
49 浏览
0 赞好
0 留言
自选海鲜七选五，我哋好有共识地Foul走唔要大尾鱿同多宝鱼🐟。
鲍鱼，有四大只，口感几弹牙，不过拆壳过程有啲困难！但其中一位同事话佢𠮶只啲内脏位臭臭地😅，我哋就无嘢，可能个别问题。贵妃蚌好鲜甜，唔错，一人一只。
虾，有一桶，无数确实数量🦐，但每人起码食到两只，味道都几好。记住留番只虾到最尾食粥时食啊！
花甲，有一大碟，再夹埋沙白蚬，应该有成60只。其实沙白同花甲差唔多，不过无乜选择，唯有两款要哂。几欣赏嘅系只得一两只蚬有沙👍；但贝壳大小有啲参差，大只好食啲。
元贝，有四只，正正常常，最普通系呢样😶。
餐厅贴咗张纸出嚟教我哋每样海鲜分别要渌几耐，仲提供埋计时器，咁就唔惊会煮到老哂啦😝。
另外，再可自选八选配料，同样地唔可以重复拣相同嘅款式。选择都多嘅，超过三十款，肉类、饺子、丸类同蔬菜等通通都有🍲。如果八款都唔够食，可以另加$20要多一款配料。
肥牛
37 浏览
0 赞好
0 留言
西班牙猪梅头片
30 浏览
0 赞好
0 留言
炸鱼腐
31 浏览
0 赞好
0 留言
锅底开头比较清淡，所以先食海鲜最为适合🈴️。除咗个汤底可以愈熬愈出味，同时亦能品尝海鲜嘅鲜味。无错，真系每样都好新鲜😋！
滚到咁上下，已经八点，店员提我哋差不多要煮粥了🍚。佢先帮我哋将未食完嘅𩠌捞起，再落稀饭慢慢煮。
我哋头先打边炉时已经预早落咗三款海鲜粥嘅准备蔬菜，即系包括🎃南瓜粒、芋头粒同🌽粟米片。前两者一早已经煲溶哂～。
店员落稀饭外，亦会加入锅心五宝［即芫荽、冬菜、菜脯粒、大头菜粒同猪油渣粒］一齐煮。我哋走咗猪油渣，但由于其他配料份量太多、味道太抢，啲粥煮完出嚟比较重口味，我哋都唔太钟意😣。下次再食嘅话一定要减量，甚至唔落。
原味海鲜粥应该几正，因为集海鲜同配料嘅精华于一身。啲粥劲大煲，每人可以食到两碗，但已经好饱，食唔哂啰。店员话啲粥系可以打包㗎😱！
我哋无嗌饮品，但都无太渴，可能唔重味精吧🤤。
环境方面，餐厅冷气充足，座位阔落，整体感觉都算干净🙇🏻♀️。
餐厅设有洗水盘，方便客人洗手。题外话，唔太觉眼海鲜鱼缸嘅位置🤔。
我哋食到八点半先走，门口企满等食第二轮嘅人👏。不过我唔系好明点解餐厅要咁坚持够钟先放人入，明明上一轮都坐唔满，加上收费亦一样，真奇怪。
总括嚟讲，锅心真系无得输😍，虽然个粥同预期中有落差，但啲海鲜同火锅配料真心正。再者，每人$220全包好鬼抵，又够饱。店员仲畀咗啲优惠卷我哋试佐敦间海鲜烧添！餐厅高质，绝对值得推介💯。
张贴
