茶餐廳2.0 (已結業)

今晚同爸爸放工后去埋开餐先返屋企，呢间茶餐厅2.0性价比超高。有多款唔同既野食可选择，不论中式的、西式的，都有，好正，而且价钱仲好亲民。餐厅内座位数目都不少。睇完餐牌，好正，除了有大大本既餐牌外，仲有小菜餐同晚餐精选，咁多选择，一定要拣到款岩自己食既。最后我同爸爸一人点了一个餐。餐饮，一杯热柠茶，一杯热柠水。正正常常，我几欣赏佢个杯，几有特色。另外仲有餐汤，是日有两款可供选择，一款是西汤罗宋汤，而另一款是中汤节瓜汤。我们都选了罗宋汤。罗宋汤好多料，好正，仲带点点微辣，好惹味。我点了铁扒猪手配意粉。哗，炸炸炸炸声呀，但铁板超热，食铁板最紧要块板够热，咁样慢慢食，d肉都唔会冻。只猪手好大呀，真系啖啖肉，超抵食，好惹味，慢慢切下切下，又沾下洋葱汁，好惹味。意粉混上了茄汁，味道都不错。呢份铁板餐份量好大，劲满足，岩晒食肉兽。眼见在场都好多食客点铁板餐。爸爸点了咖哩海鲜意粉。咖哩味香而不辣，好正。入面仲有青口、蚬、带子、鱼⋯⋯⋯多款不同海鲜。以咖哩汁拌埋意粉，正呀。本身我们都想点埋甜品，但实在实在太饱啦，个餐份量好丰盛，所以都吃不下了，只好留返下次黎再尝尝甜品。