影片
更多
2016-12-12
1327 浏览
听朋友讲有间新开嘅涮涮锅放题平靓正，咁咪嚟试吓啰由于系试业期，任何时段都只系$159，仲要原本要加$30嘅刺身放题都免费俾你！真系好好好抵饮品好多选择，有三个雪柜咁多！蔬菜同丸类都可以自己夹，或者写纸都得酱料就自助刺身澎湃程度同新鲜程度都系十粒星！八爪鱼好少可地唔会太韧，而且有鲜甜味另外亦非常推介赤虾、象拔蚌同三文鱼！涮涮锅汤底有廿款！选择困难症患者应该都几头痛…好彩侍应都好细心咁推介，最后朋友决定要［御前海鲜汤］汤底嚟到，系一锅冇料的汤。闻落系好浓、好鲜味嘅海鲜汤味，但冇料呢方面就同朋友对望咗一吓，心谂唔通系伏？就喺对望嘅一刻，侍应送咗呢盘海鲜嚟，话系跟个汤底嘅。妈啊！海鲜汤底跟一盘海鲜？呢个价钱嘅放题？好抵㖞！渌海鲜前试咗一口个汤底，好～～～鲜甜蚬肉粒粒都涨卜卜，好新鲜，不过可惜有少少沙帆立贝好鲜甜［加拿大牛肩胛肉片］想试哂咁多只肉类，但无奈叫一份已经够哂两个人食。不过一啲都冇唔开心，因为呢个牛嘅牛味非常浓郁，而且每一片都非常薄，渌几下已经食得，唔会韧［深海鱼件、墨鱼鱼、日本鱿鱼、新鲜活海蚬］唔止跟汤底嘅海鲜新鲜，自己点嘅海鲜都一样新鲜。比较特别嘅有日本鱿鱼（黄色𠮶啲），渌完之后好
听朋友讲有间新开嘅涮涮锅放题平靓正，咁咪嚟试吓啰由于系试业期，任何时段都只系$159，仲要原本要加$30嘅刺身放题都免费俾你！真系好好好抵
饮品好多选择，有三个雪柜咁多！
蔬菜同丸类都可以自己夹，或者写纸都得
酱料就自助
刺身澎湃程度同新鲜程度都系十粒星！八爪鱼好少可地唔会太韧，而且有鲜甜味
另外亦非常推介赤虾、象拔蚌同三文鱼！
涮涮锅汤底有廿款！选择困难症患者应该都几头痛…好彩侍应都好细心咁推介，最后朋友决定要［御前海鲜汤］
汤底嚟到，系一锅冇料的汤。闻落系好浓、好鲜味嘅海鲜汤味，但冇料呢方面就同朋友对望咗一吓，心谂唔通系伏？
就喺对望嘅一刻，侍应送咗呢盘海鲜嚟，话系跟个汤底嘅。妈啊！海鲜汤底跟一盘海鲜？呢个价钱嘅放题？好抵㖞！渌海鲜前试咗一口个汤底，好～～～鲜甜
蚬肉粒粒都涨卜卜，好新鲜，不过可惜有少少沙
帆立贝好鲜甜
［加拿大牛肩胛肉片］想试哂咁多只肉类，但无奈叫一份已经够哂两个人食。不过一啲都冇唔开心，因为呢个牛嘅牛味非常浓郁，而且每一片都非常薄，渌几下已经食得，唔会韧
［深海鱼件、墨鱼鱼、日本鱿鱼、新鲜活海蚬］唔止跟汤底嘅海鲜新鲜，自己点嘅海鲜都一样新鲜。比较特别嘅有日本鱿鱼（黄色𠮶啲），渌完之后好爽脆
埋单时侍应送咗呢个俾我哋食，系韩国嘅雪糕朱古力批，好在细细个，都仲食得落最后想讲，呢度嘅侍应除咗好好礼貌之外，仲好贴心，唔似其他放题咁，佢哋会主动问你有冇嘢未嚟，有少少感动
呢一餐真系好好味，食得好开心。不过有一个缺点系，无论你点咩汤底，佢加汤都系帮你加猪骨汤。虽然系好过加滚水，但如果可以加返你所点嘅汤，咁就更加perfect喇
张贴
