影片
更多
2019-12-02
56 浏览
听朋友讲大坑一间性价比极高嘅日本料理，晚餐嘅二人前omakase都只系$680，今日趁有空就黎试下。-一坐低店员就为我地奉上枝豆，新鲜既枝豆经过简单烹调，加上少许盐巴，带出枝豆既鲜甜味，好食!-三款前菜，分别系萤光鱿鱼、日本高糖蕃茄同三文鱼软骨，份量都唔少架-omakase中有三款刺身，今日嘅厨师精选分别系银鳕鱼、油甘鱼同深海池鱼，每一件都厚实滑嫩，而且好新鲜， 三款刺身都非常高质素。首先食咗深海池鱼先，唔讲唔知，原来深海池鱼同池鱼系两个完全唔同既品种黎！而深海池鱼出名清、甜、爽，绝对比普通既池鱼更鲜甜，肉质细致鲜美!呢度既油甘鱼一样高质素，一望落已经见到色泽纹路分布均匀，肉厚肥嫩，鱼肉细致甘甜，油花均匀的散布于每丝刺身当中，有入口即溶既感觉。银鳕鱼刺身劲唔常见，但其实佢嘅回甘、油份或肉质都绝对能够媲美吞拿鱼。色泽光润既银鳕鱼，望落泛着油光，入口肉质软绵， 鱼油极为旺盛，呑落去之后仲有余韵萦绕口腔，感觉上系蓝鳍吞拿鱼既平价版，叫人非常回味！-接下来黎到手卷，是日精选嘅手卷系蟹肉手卷，非常足料，食到底都仲有蟹肉。-呢度既鸭胸同平时喺街食到嘅鸭胸好唔同，有腌制过嘅感觉。-食完咁多冻嘢，店员
听朋友讲大坑一间性价比极高嘅日本料理，晚餐嘅二人前omakase都只系$680，今日趁有空就黎试下。
-
一坐低店员就为我地奉上枝豆，新鲜既枝豆经过简单烹调，加上少许盐巴，带出枝豆既鲜甜味，好食!
-
三款前菜，分别系萤光鱿鱼、日本高糖蕃茄同三文鱼软骨，份量都唔少架
-
omakase中有三款刺身，今日嘅厨师精选分别系银鳕鱼、油甘鱼同深海池鱼，每一件都厚实滑嫩，而且好新鲜， 三款刺身都非常高质素。
首先食咗深海池鱼先，唔讲唔知，原来深海池鱼同池鱼系两个完全唔同既品种黎！而深海池鱼出名清、甜、爽，绝对比普通既池鱼更鲜甜，肉质细致鲜美!
呢度既油甘鱼一样高质素，一望落已经见到色泽纹路分布均匀，肉厚肥嫩，鱼肉细致甘甜，油花均匀的散布于每丝刺身当中，有入口即溶既感觉。
银鳕鱼刺身劲唔常见，但其实佢嘅回甘、油份或肉质都绝对能够媲美吞拿鱼。色泽光润既银鳕鱼，望落泛着油光，入口肉质软绵， 鱼油极为旺盛，呑落去之后仲有余韵萦绕口腔，感觉上系蓝鳍吞拿鱼既平价版，叫人非常回味！
-
接下来黎到手卷，是日精选嘅手卷系蟹肉手卷，非常足料，食到底都仲有蟹肉。
-
呢度既鸭胸同平时喺街食到嘅鸭胸好唔同，有腌制过嘅感觉。
-
食完咁多冻嘢，店员为我地奉上花蚬汤暖一暖胃，花蚬既汤汁完美融入高汤中，汤头非常清爽。
-
之后系炸物天妇罗，分别有南瓜、番薯、茄子等蔬菜天妇罗，同软壳蟹天妇罗，炸浆薄身，厨师功夫非常不错， 油粉比例岩岩好，令金黄酥脆既天妇罗保持清爽唔油腻，上枱时由内到外都系热辣辣架。几款入面我最钟意就系炸软壳蟹，细细只但识落绝对系酥脆多肉，重点系非常新鲜
-
山药泥冷荞麦面，系日本非常地道嘅菜式。带有黏稠性的山药泥增加左面既滑顺度，所以系令人没有食欲的炎热夏天别受欢迎。冷荞麦面经过冻水既既冲洗，唔会好似热荞麦面也咁软烂，反而形成爽滑弹牙既口感，山药泥荞麦面滑顺的口感容易入口，味道清爽得黎口感又丰富，并且营养满分。
-
最后店员为我地奉上抹茶雪糕，为呢一餐画上完美嘅句号。
张贴
