金滿園茶餐廳

营业中

休息中

天气凉咗，想食D暖胃嘢。本来最好系打边炉食火锅，但已经打咗几日，好闷。今日转为食羊腩煲。金满园系马鞍山性价比最高的餐厅。我地直情叫佢做「饭堂」。一到星期六日或假期晚饭超多人。但太子爷记性超好，唔使派飞，全靠个脑记，但从未试过记错。今日主角羊腩煲，大大煲，好多旧。旧旧都好入味好冧，好正。仲有生菜跟。都不过二百蚊多D。抵食！小朋唔多食羊腩，所以叫碟粟米肉片饭同碟京都猪排饭，大大碟又多𩠌，仲有大碗例汤。都不过三十来个，完胜大型连锁快餐店。哩度开一壶茶只收1蚊，唔理几多人饮，都系1蚊。