麵道 (已結業)

石门真系好多野食，呢间拉面店长期好爆满，石门地铁站C出口一出就望到，所以特别吸引我地既眼球。系平日既晚上， 终于有机会啱唔洗点排队，可以一尝。因为太多人食，所以每款拉面都系有限量地供应，亦因为限量，所以质素都保持到好好既水准，本身好想食辣肉味拉面，但太好卖了, 一早卖清光，我地只好拣左个浓厚酱油豚骨汤。▧ 浓厚酱油豚骨汤 （拣左个浓既汤底，加辣，满足我地想食辣既欲望） ▫溏心蛋：我地一个有加溏心蛋，一个就无，溏心蛋水准正常。▫叉烧： 叉烧好大块，做得好香，肥肉部份软绵绵，入口即溶，唔太油腻，就算平时唔食肥腻野嘅我都完全无投诉。▫汤底： 我地汤底都一律叫浓味汤，有时系日本餐厅食拉面，叫浓汤底虽然浓味，但相对超咸，食完都会忍唔住饮好多水，但呢一碗香浓得黎，唔会咸。汤底浓度高，很挂面，但不会太油腻，恰到好处。叉烧超大块，仲系一碗2块，超足料！▧ 另外加$38小食套餐包括2款小食以及一杯饮品，非常抵嗌。拣咗莲藕片，啤酒炸鸡槌，日本啤酒。莲藕片有清香柚子味清香，鸡翼香口，日本啤酒不错。▧ 整体来说，性价比超高，$80嘅拉面算得上很高水准，到石门绝对可以一试，希望下次有机会试辣肉味拉面。