湯•米 (已結業)

夜晚唔知食乜好，就决定去试下汤米嘅臭臭锅，一人一锅，唔洗就朋友口味！ 而且性价比好高，每个锅都系一百以内。呢到提供好多唔同种类嘅锅，有日式味增锅，泰式海鲜锅，巴蜀烤鱼锅，药膳豚肉锅，咖喱奶盖锅。今次我拣左日式味增锅配粉丝，朋友拣左泰式海鲜锅配白饭。日式味增锅 🥘 $96满满的一锅，有好多款食物，有豚肉，娃娃菜，蟹柳，粟米， 云耳，冬菇，豆腐等。汤底唔会越煲越咸，我另外单点左花螺，$28 一份，有8粒，好新鲜。除左一人锅之外，仲提供左好几款台湾小食同饮品。今次叫左盐酥花枝墨鱼丸同埋盐酥金针菇与冬菇。两款都好好食，花枝墨鱼丸弹牙，可以食到粒粒墨鱼。而金针菇令我眼前一亮，好脆，加上调味粉，好好食！