越一越南牛肉粉專門店 (已結業)

星期六日行过都见到呢一间越南店大排长龙。我成日都话粉岭系美食沙漠，所以今次难得有越南美食入注粉岭，同老公决定平日晚上避开最多的人潮去食一餐。😚我同老公坐咗二人卡位，我最怕好迫的坐位，今次呢个坐位好阔落坐得好舒服。好啱两个人晚上静静地倾吓计。店员推介我哋饮薏米水，我哋一于试一试😍来到见到好大杯，而且唔系好甜！ 薏米可以美白去水肿，好岩女士们饮。后来听呢间嘅员工得知，佢哋嘅薏米水系用姜嚟煲的。$22蚊大大杯就系好抵！ 跟住我哋嗌左虾头膏炒饭，好大碟好足料，入边啲虾好弹牙，而且咸香味好正，食得好开胃。而且唔会真系好咸。$88大大碟好抵食！我同老公两个人都食唔晒。跟住要左碟马拉盏炒通菜，正常发挥，肉碎好多。不过价钱就比其他越南菜餐厅平少少，$58一碟大大碟另外我哋仲有叫软壳蟹芒果米卷和越式春卷，两者之中我老公就钟意越式春卷，内暖外脆，有够足料，外边再加生菜，用来夹住春卷食，即刻冇咁油腻，同埋冇咁罪恶感！ 两者也十分之夹，感觉好freshhhhhhhOverall ，呢间越南菜餐厅性价比超高！黎粉岭，不妨来食下！