影片
更多
2022-11-22
179 浏览
最近我屋企附近开咗间新嘅韩式炸鸡店，好多朋友食过都觉得性价比好高，所以都忍唔住买返屋企试吓！呢间韩式炸鸡店原来除咗外卖之外，亦都有少量位置可以堂食，舖头嘅装修偏向复古嘅韩式风格，取餐嘅位置装修得好靓，绝对系Igable! 食品嘅选择都好多，而且价钱方面比起出边嘅韩式餐饮店平。我今次就叫咗个二人特工炸鸡盒套餐，里面除咗有炸鸡，仲加两款小食同埋两款饭，加埋嘢饮都系$200有找，绝对系性价比之选。店舖好贴心，同韩国一样可以选择有骨或者无骨嘅炸鸡，我呢啲懒人当然就系选择无骨，炸鸡里面除咗原味系固定选择，另外可以拣多一款口味，我今次拣咗葱蒜酱油口味，入口同我喺韩国食既都有85%相似，佢嘅肉质好Juicy，配合返香甜嘅葱蒜酱油，绝对令你忍唔住一口接一口，就算摊咗一阵冻咗都一样好好食。佢嘅小食，我觉得份量都好多，特别系鱼糕串，一打开包装，竟然有四条折好既鱼糕，食完佢之后已经有半饱嘅状态。大家唔好以为店舖提供嘅饭，只系普通嘅白饭，估唔到佢嘅饭竟然系可以拣韩式牛肉饭同埋泡菜猪肉饭！不过因为超级饱，所以我其中一款饭就选择咗辣炒年糕。但炒年糕入口好QQ，而且店舖亦都因为香港人嘅口味有调整到辣度，入口变得比较
呢间韩式炸鸡店原来除咗外卖之外，亦都有少量位置可以堂食，舖头嘅装修偏向复古嘅韩式风格，取餐嘅位置装修得好靓，绝对系Igable! 食品嘅选择都好多，而且价钱方面比起出边嘅韩式餐饮店平。我今次就叫咗个二人特工炸鸡盒套餐，里面除咗有炸鸡，仲加两款小食同埋两款饭，加埋嘢饮都系$200有找，绝对系性价比之选。
店舖好贴心，同韩国一样可以选择有骨或者无骨嘅炸鸡，我呢啲懒人当然就系选择无骨，炸鸡里面除咗原味系固定选择，另外可以拣多一款口味，我今次拣咗葱蒜酱油口味，入口同我喺韩国食既都有85%相似，佢嘅肉质好Juicy，配合返香甜嘅葱蒜酱油，绝对令你忍唔住一口接一口，就算摊咗一阵冻咗都一样好好食。
佢嘅小食，我觉得份量都好多，特别系鱼糕串，一打开包装，竟然有四条折好既鱼糕，食完佢之后已经有半饱嘅状态。大家唔好以为店舖提供嘅饭，只系普通嘅白饭，估唔到佢嘅饭竟然系可以拣韩式牛肉饭同埋泡菜猪肉饭！不过因为超级饱，所以我其中一款饭就选择咗辣炒年糕。但炒年糕入口好QQ，而且店舖亦都因为香港人嘅口味有调整到辣度，入口变得比较温和，绝对唔系辣到喷火嘅感觉。
总括嚟讲，我觉得呢个套餐嘅性价比真系好高，今次去我仲见到佢参考，上面有我喺韩国好钟意食嘅猪手，下次一定要去试吓再话俾大家听好唔好食先！
4 浏览
0 赞好
0 留言
张贴
