Lucky U

营业中

休息中

假日夜晚同朋友去食晚餐同饮番杯chill下，呢间系一间酒吧餐厅，想同朋友食饭饮酒就啱晒啦。而且惠顾晚市有七折嘅优惠，大部份饮品都有八折，好吸引人嘅优惠餐厅同一般酒吧一样环境昏暗，而且有得掟飞镖玩桌球，仲有大大嘅电视萤幕俾一堆足球迷睇波，啱晒一大班人嚟聚会食物嘅款式都应有尽有，主打系西餐，另外仲有少少泰式同日式嘅小食，感觉多样化，而且价钱合理先来饮品，呢杯叫rose garden由多种果汁混制而成，味道都几Fresh，酸酸甜甜几开胃另外朋友就叫咗杯matcha，卖相都几靓，试咗一啖真系有绿茶味，都几唔错叫咗个安格斯肉眼扒，呢个系配扒嘅沙律，系用黑醋酱整成，沙律菜新鲜企理，配黑醋酸酸地，味道清新个扒到啦，非常大块，大个任何人块面😂，旁边有蒜蓉牛油酱，可以涂落块牛扒度更香，牛扒肉质几腍，食落有肉汁，牛味几出而牛扒嘅配菜一啲都唔马虎，系焗新薯同炒杂菌，杂菌用烧汁炒，爽口惹味。而薯仔外脆内软，好重薯味另外仲叫咗德国肠拼盘，非常大份，有六条唔同口味嘅肠仔咁多，有辣有唔辣，味道香浓，另外仲附上蜜糖芥茉酱， 同肠仔好夹，啖啖肉，大班朋友分享嚟食就最啱啦