柏景餐廳 (已結業)

作为信和集团会员，当然有留意吓佢哋嘅酒店有冇特别嘅优惠。适逢国庆假期，皇家太平洋酒店推出国庆日。食「享」假期套票，包入住雅尚客房，入住当日自助午餐两位同翌日自选早餐两位。柏景餐厅环境阔落，座位相隔算几开，枱与台之间有一定距离，食得安心。沙律🥗：新鲜杂菜生菜、蕃茄仔、粟米青瓜鹰嘴豆等，因为疫情关系店员帮你夹，佢哋好好礼貌都会同你讲声「多谢晒」，非常好客。冷盘：烟三文鱼🍣、八爪鱼🐙、螺肉、刺身方面有甜虾、希灵鱼、非常优质新鲜，至少有六款刺身。中式粉面有车仔面、唔够饱可即场享用自选配料车仔面，仲有虾饺、炖汤，老人家都啱食。海鲜类：非常弹牙海虾、鲜甜响螺、比较细粒嘅青口、粒粒饱满蚬肉、仲有鲜甜裙边带子，是但食几款都好回本😆最惊喜竟然提供三款香槟🍾️非常易入口配海鲜一流，甜品方面仲有养生桃胶奶冻、窝夫🧇、芒果布甸、养颜雪燕葡挞、红枣糕、杞子桂花糕等，仲有movenpick 雪糕🍦。当日每人赠送鲍鱼扣鸭掌，鲍汁出色吾会死咸，补补骨胶原。总结：非常抵食自助午餐 性价比极高饮香槟🍾️ 食海鲜已经回本