逸翠軒點心專門店 (已結業)

放工同朋友过长沙湾买完野后去左呢间逸翠轩食晚饭。餐厅装修简洁光猛，坐位宽敞舒适。我地点左168蚊任食点心、鸡煲同火锅。个餐可以任饮，饮品柜都几多选择，除左有汽水、柠檬茶之外，仲有自家制的椰汁西米，味道唔错。点心 - 潮州粉果外皮唔会太厚，馅料十足。菜苗饺饺皮晶莹剔透，咬落有韧度。烧卖外皮鲜黄有光泽，包得松紧有致，唔会过实，有咬口，肉质弹牙，食落唔油腻。鸡煲 - 卖相吸引，份量好足，鸡煲的鸡肉质唔错，口感嫩滑，唔会肥腻同鞋口，而且好入味，浓郁香味扑鼻。火锅 - 有肥牛、猪肉、海虾、青口、鳝鱼片、菜、丸类同青菜等任点，配料选择多，质素唔错。特别值得一赞系个鳝鱼片，够晒新鲜弹牙。以168 蚊呢个价钱，有齐点心、鸡煲同火锅，性价比够晒高。