晉皇山西刀削麵館

营业中

休息中

可能太耐无黎天后，经过先发现原来开左间食刀削面嘅餐馆。中意食面食嘅我就紧系要黎试下，一睇menu都几多选择，有得拣汤面，冷面同埋热拌，而且仲有好多唔同𩠌可以配搭。我拣左水饺刀削面，四十几蚊都几平，另外仲叫左个越南春卷小食同埋一碟芥兰。厨房𠮶到有个玻璃窗，真系睇到个厨师攞住个面团即刻削，个面都几大碗，再配埋四粒水饺真系会好饱。佢嘅刀削面煮得几好，唔会好淋，而且有啲面嘅厚薄不一令到好有口感。另外估唔到依度竟然会有越南春卷卖，而且春卷值得一赞，炸到脆卜卜再配埋甜酸酱真系好好味，令人停唔到口。不过碟芥兰就觉得同平时相比苦左少少，分量都算多。总之食完成餐就超级饱，而且觉得佢啲野食整体唔错，尤其刀削面有好多款式，cp值高。