101手工涮涮鍋 (已結業)

🥗前菜手工麻辣手撕鸡、秘制麻辣木耳，两者都有点麻辣，但个汁每到鸡同木耳都好好味。🦀🥘我地加$68叫左冬阴公加拿大雪场蟹脚锅，无谂过甘多蟹脚，友人有见及此非常兴奋食得好滋味。冬阴公汤微辣唔会太劲香叶味。🍴手工即炸响铃卷拼手工即炸鱼皮先食响铃，打边炉至爱，松脆好味，炸鱼皮都好香脆。🐂牛颈脊肥牛片肉香味唔算浓，但胜在肉泽红润够新鲜。🍱台湾夜市、101特选手工火锅拼盘各一，甘我地两个可以食多D唔同野。整体卖相吸引同创新。🍴台湾夜市火锅拼盘有卤水猪耳、肾片、大肠、牛肚、蛋、鸡翼；台湾九份紫薯、地瓜芋圆、紫薯水晶包。🍴101特选手工火锅拼盘有墨鱼汁鸟结糖、太极冬菇、安格斯霜降牛丸、三重芝士鲜制虾丸、三重芝士鲜制墨鱼丸、黑松露蟹籽海鲜军舰、黑松露蟹肉饺、黑松露芝士豚肉饺。追加纸有友人爱吃长蟹柳，同我爱吃既芝士竹轮，可惜食到最后已太饱，只追加左少量野。食到最后个汤开始辣辣地，我地追加左几次油麦菜，索哂汤汁好正。🍮最后送上奶茶布丁，味道微甜，食落滑口，唔错。食过几次台式火锅，香港黎讲呢个算抵食。而且食物质素都唔错，店员亦勤快有礼。