臺坊 (加拿分道) (已結業)

今日同朋友去尖沙嘴，厚福街出名多野食！我地见到呢间台湾野，觉得款式几多又唔贵就入左去食。我我地每人叫左一个主食再叫野饮同小食share。我叫咗红烧牛肉面，佢个汤底好浓好入味，而且除左牛肉好淋之外，佢d白萝卜同红萝卜都好入味，D面都几爽口。朋友个盐焗鸡丝肉燥饭啲盐焗鸡味都几出，同埋你见到啲鸡丝都几多份量，加埋肉燥同卤蛋真系好惹味！我哋两个share咗个吞拿鱼同粟米台式蛋卷，佢个蛋饼煎得好烟韧，入面嘅吞拿鱼茸都好多，加埋甜甜既粟米好好食！跟住我哋两个怕饮唔晒两杯野饮，所以叫咗一杯嘢饮share，我哋叫咗个小麦胚芽奶茶。佢杯嘢饮真系好热，加上里面真系有粒粒胚芽再配上奶茶嘅香味，饮完真系有好窝心嘅感觉。整体来讲，系一个好满足嘅下午茶，食到好饱唔贵之如食物质素都几唔错。