吉豚屋吉列豬扒專門店

营业中

休息中

两公婆去荃湾西行街街，食个下午茶，正确来讲系午餐😝太耐无食日式吉列猪扒，一见到，就吸引左啦🤩🍱吉列猪扒定食：野菜豚肉汤，有满满既豚肉，一啲都唔hea，不过我就觉得有少少咸。吉列猪扒系正常厚度，又唔系厚切，又唔系薄到纸皮咁，块猪扒都大块，即炸脆卜卜，配埋炸猪扒汁，好食😋成个定食觉得系个白饭黏左啲。🍤吉列虾咖喱饭：吉列虾都系即叫即炸，啲虾都爽，无霉既口感，日式咖哩汁一如既往，系唔辣既～🥤：提子乳酸特饮，我个人觉得有啲酸。另外，菊花茶都第一次见，我估系配合香港人怕热气，所以有既产物，都系正正常常。整体来讲，性价比都算高，加上下午茶有哩个水准，都真系唔错！