鮨鳶

营业中

休息中

见到有IG KOL介绍呢间，原本见到OpenRice嘅食评呢都有少少却步，但见佢做紧第二位有半价优惠就试吓啦！一入到去餐厅一见到系居酒屋以为中伏，但原来食厨师发板系有自己一个区域，入到去d装修都几靓，serve我𠮶台嘅师傅呢就好友善同健谈，好详细咁介绍每一件寿司，我地叫咗$460 十二件嘅餐，啲寿司几厚身，唔会簿切切，而且都好新鲜，我最钟意呢有一件系甜虾再加虾头嘅虾膏，因为个虾膏超级鲜甜；仲有海胆都好正，佢系落好多，但我竟然挂住食唔记得咗影相😅；佢仲有啲比较少见嘅寿司有一件叫唔知咩血引😂喺出面好少见；食到最后觉得好饱，然后呢师傅已经准备紧夜晚嘅食材，拎咗啲有好多春嘅雌性松叶蟹出嚟拆肉，同埋介绍夜晚个厨师发板系有25道菜，讲到好吸引，令人好想试！总括然而呢我觉得系抵食嘅，因为折完之后呢两位系七百几蚊，厨师发板来讲算平，而且师傅好客嘅态度呢系加分嘅，所以个OpenRice得咁少好评呢系有啲出奇，呢间餐厅呢我系会回头食的！