泰醉 (已結業)

经过长沙湾，被呢间泰国菜门口嘅灯牌吸引住，再睇睇餐牌，价钱唔算贵，于是入去试吓。泰式串烧6串分别有鸡，牛，猪肉，每串都烧得好香，表面烧得焦焦香香，但食落d肉质仲好juicy,烧得啱啱好，点埋佢地个沙嗲汁，劲惹味。黄咖哩炒蚬都几大碟，份量都几多，粒粒蚬肉胀卜卜，食落完全冇沙，佢地嘅黄咖哩都几出色，味道好香，好正宗嘅泰国风味，我地仲叫埋油酥饼，个油酥饼烘得外面脆脆地，要黎点咖哩汁一流。青柠梳打唔单止有片青柠咁简单，仲有青柠果汁加埋喺入面，所以饮落劲重青柠味，酸酸甜甜，加埋梳打，好fresh好爽。芒果糯米饭芒果非常甜，而d糯米饭整得啱啱好，烟烟韧韧咁，上面仲铺满劲香嘅椰浆，劲好食。店员仲送咗甜品比我地，系椰汁大菜糕，食落好清新嘅椰子香味，爽爽地，入面仲有好多椰子肉，非常足料，唔太甜，好好味。