Plato Cafe & Bistro (吳松街)

今日天气好闷热，同朋友由尖沙咀头行到去佐敦尾，已经身水身汗，大家都想坐底饮杯嘢，凉下冷气先。经过见到Plato Cafe，见门面都几靓吓，咁我哋就睇下餐牌系乜价位先，发现佢哋精选2人晚餐都好丰富，价钱都OK㖞，就决定由饮杯嘢升级到晚餐啦！我哋好快咁拣咗我哋想食嘅嘢。可能侍应知道我哋好热，好快趣就嚟咗杯冰冻嘅冰果茶，饮落透心凉，果茶不太甜，带有少少果味，成个人都舒服晒。然后就系南瓜汤同烟三文鱼凯撒沙律，烟三文靓靓的卷成花状，配上新鲜嘅沙律菜，睇到都心心眼😍。主菜我哋拣咗波士顿龙虾龙虾汁意大利饭及西班牙黑毛猪鞍架。龙虾鲜味弹牙，配上充满浓浓的龙虾汁意大利饭，味道同口感都不错。而猪鞍外层带点焦香，肉质嫩滑，醮上甜甜的酱汁，好好味😋。食到呢刻都已经好饱，差点忘记仲有甜品，好彩挥手埋单时，侍应问系咪上得甜品，我哋先如梦初醒，好随意的叫了芝士蛋糕及朱古力雪糕，最意想不到的是雪糕不是一球球的，而系一杯movenpick朱古力雪糕，非常喜出望外！