8 RECIPES (已結業)

今日放假嚟咗间靓靓嘅cafe食晏chill下。估唔到中午12点半已经咁多人，多人到坐满晒，但好彩都俾我哋攞到位？有好吸引嘅蛋糕面包放系度，我都忍唔住嗌咗个牛角包试下。仲有日式嘅咖啡包，下次可以买啲试下。套餐都几掋食$68-$88就有个主菜喇。如果想要小食同饮品等等就可以以优惠价换取。芝士焗鲜茄黑豚肉意粉（$78）- 真系好多芝士，啲芝士仲多到可以拉埋丝。黑豚肉都几浓滑，配埋意粉几夹。鲜素菜忌廉三文鱼芝士意粉（$78）- 个汁好creamy又唔会太腻，而烟三文鱼份量都几多。餐饮就嗌咗冻鲜奶咖啡同热柠茶，个咖啡味都几浓郁，仲可以走甜，唔错。烤肉拉丝芝士薯条（$48）- 劲邪恶嘅小食，薯条上面仲有黑豚肉劲多芝士，真系估唔到份量咁大，就咁食呢个都会好饱。牛角包（$18）- 烘到热辣辣嘅牛角包好松脆同有层次，牛油味仲好浓郁添。