田記魚蛋牛腩專門店 (碧街)

营业中

休息中

上星期去油麻地做嘢，赶时间之下，一出油麻地地铁站，见到有间牛腩河舖头好似几吸引，就走入去试吓啦。发现有惊喜🌟舖面系普通港式牛河舖嘅环境，都好干净企理，𠮶日时间比较晏，但都有啲街坊帮衬🥳🐮牛魔王河粉除咗有牛肚、牛膀、牛肺呢啲一般嘅牛杂之外，仲有牛腩、牛筋同牛肠，份量好大，一个人未必食得哂。牛腩好爽好香，比较似清汤腩嘅做法，可以食到牛的肉香，而且咬落爽口又唔韧，一定唔系用粉嗱到淋嘅劣质牛腩。牛筋煮得好淋，牛肠肥美又唔无臊味，洗得好干净，牛肺牛膀都系比较爽口，而且用了十足。 河粉幼滑，配合埋蒜香味重嘅辣椒酱，好满足嘅午餐。🐟炸鱼皮大大包嘅炸鱼皮，上台时系一大包密实袋装住，干净卫生。逐块夹落河粉，浸淋咗再食，又惹味又香口。