聯興潮州飯店

营业中

休息中

讲起上环打冷，好多人都会立即谂起皇后大道有几间好出名的潮州店，𠮶几间唔系唔好食，不过就有D贵，落楼通常都要每人二百几三百。不过今次介绍的这家打冷价钱较大众化，当然地点在街市上面的熟食市场点都系会平D，不过如果只Focus在食物质素，呢间的性价比相对高。点了5样野，我觉得最好食系个沙嗲牛河，沙嗲酱好香，仲有花生粒，D河粉吸到沙嗲D味，好正﹗韭菜猪红同蚝饼就叮当马头，两个都唔错，不过如果韭菜猪红可以再多D韭菜会更好。佢个蚝饼唔系劲炸𠮶种，所以真系唔错，因为我好怕炸到脆卜卜𠮶D。炒芥兰够镬气就已然very good啦。个鱼云就最差，因为食落唔系太新鲜，所以系死症，无得救。整体黎讲唔错，3人行每人$150，抵食好食。