極尚大喜屋

营业中

休息中

好耐都冇食过放题,最近有朋友生日,一于去食返次庆祝吓😌旺角呢间放题舖,相信大家都食过唔少次,价钱由$200至$300不等,性价比相对嚟讲都算唔错😜而且食物选择众多,除咗有网上落单嘅刺身、寿司、卷物、串烧、烧物、炸物、天妇罗,佢哋仲有个好大嘅自助区🤤入面嘅选择都好多,有沙律、水果、开胃前菜、中式小菜、各类小食、甜品及雪糕 🥰而且佢哋仲要有点心,放题舖嚟讲都真系第一次见有🤣极力推荐大家要试佢哋嘅一品料理,自家制菜式真系好有心思👍🏻避风塘软壳蟹、鲍鱼花胶和海螺料理,仲要有榴梿三重奏,作为一个榴梿迷嚟讲真系好幸福🧡整体嚟讲食物选择唔单止够多,而且带有自家特色嘅菜品亦不少,而食物嘅质素亦都相当唔错,刺身亦都足够新鲜,环境干净阔落,整个用餐体验都唔错,下次同朋友庆生会再考虑🫶