緣聚西日餐廳 (西裕街) (已結業)

前排老婆病左成个星期，终于好反就话要食放题贺一贺㖞剌身款竟然有剑鱼腩剌身同中拖罗剌身提供，好惊喜！绝对系回本必食。红螺片都系放题少见有得食既，剌身质素整体都唔错。海胆手卷同军舰都估唔到甘好，紫菜仲系脆既，细细件，唔会太快饱几贴心！六款火焰寿司食均哂，好好食！鱼油逼哂入寿司饭到好香甜！黄金烧蚝几好味，比想像中大只。黄金鸡软骨，脆脆既口感，唔经唔觉就食哂。估唔到有火锅食，叫左韩风猪骨汤底，微酸带辣，配料样样都叫左d，放落去就索哂汤味，尤其个拉面，辣得好过瘾！甜品有泡芙和菓子之类，椰汁奶涷几特别，用小小既牛奶瓶装，椰味浓郁。