尚八日式燒肉店 (已結業)

其实都食过荃湾尚八好多次，但发现成日影相都冇写过食评🥲差唔多次次黎都系食尚八烧肉放题，价钱公道又多野食👍🏼次次一黎就系上一盘刺身同一碟肉刺身有三文鱼、油甘鱼、北寄贝同八爪鱼🍣全部都几有水准👍🏼因为太心急想食，未影到佢地喺碟上就已经掉晒落去烧😆有鸡翼、鸡腿肉、五花腩、虾同两款牛， 我个人都几钟意鸡腿肉同五花腩，个调味都好好食😚😚但其实我觉得佢其实唔系烧肉既野都好好食！每次黎必点既蟹籽沙律🥗狂食烧肉会劲漏，时不时食个沙律真系好正🤤烧蚬都好好食！壳上有啲盐喺你食时好似会吊下味咁😛仲有嗌左啲羊架、壶渍肉、辣猪颈肉都好好食！呢度另外一个好精彩既野系炸物！全部都系即炸的，入口热辣辣一口芝士系细细粒又好creamy，超正🤤🤤清酒煮蚬我就觉得还好，酒味唔浓之余蚬又冇另一只咁好食🤨呢个软骨饺子都系好好食！佢个酱应该系用酱油+醋+七味粉调的，超级岩我口味👍🏼呢个芒果虾卷都系食烧肉中既解腻圣品，成旧野凉凉的又好多菜好清新🥰🥰仲有唔会自己买黎食但又钟意食既海蜇！呢度既海蜇有种浸唔透感有少少烟韧又好浓味😂仲有烧菠萝都好好食的但冇影到🍍甜品佢有一只不知名甜筒同melona🍦其实真系多野食得黎又真系几好食，推荐！🥰