影片
更多
2019-09-26
559 浏览
因为男友ot而冇人陪既我，决定今晚做电灯胆痴住朋友同佢男友一齐揾食，呢间cafe seoul爆满兼有人等位，即时吸引左我地既目光，揭揭餐牌见到价钱唔贵 (比起其他韩国餐厅)，即管等下位啦!当时系平日既8点半左右，最后只等左10分钟就入得，因为喺店外已经一早睇好餐牌，所以一坐低就可以即刻落单，而店员亦手脚好快地递上免费既小菜同茶水，小菜系泡菜同豆芽，隔离枱2个人就一碟，我地3个人就有2碟，几大方唔孤寒。最先上枱既系泡菜煎饼，三小块，但佢地加埋系会比其他餐厅既一大块大，味道唔错，亦唔油，推荐。已经捞好左先记得影相既石头锅饭，上枱时俾埋辣酱同汤，不过我唔系好肯定个汤系跟呢个饭定系其他菜式，冇印象餐牌有写，个饭表面睇落系全素，但食落会食到少少牛肉碎，我钟意佢个冬菇唔系切到一丝丝而系一片片，而且饭量都够多。呢个系蜜糖酱油炸鸡，甜度对我黎讲甜左少少少少，酱油味唔突出，肉质juicy，食完之后唔会有一种好热气既感觉，下次再黎我会试下其他味道。最后既牛肉紫菜卷我地三人一致认为麻麻地，牛肉好un，饭粒干身偏硬，个卷易散，不过麻油味几香。呢间餐厅性价比高，大机会encore，多d人一齐食可以嗌多几款sha
当时系平日既8点半左右，最后只等左10分钟就入得，因为喺店外已经一早睇好餐牌，所以一坐低就可以即刻落单，而店员亦手脚好快地递上免费既小菜同茶水，小菜系泡菜同豆芽，隔离枱2个人就一碟，我地3个人就有2碟，几大方唔孤寒。
最先上枱既系泡菜煎饼，三小块，但佢地加埋系会比其他餐厅既一大块大，味道唔错，亦唔油，推荐。
已经捞好左先记得影相既石头锅饭，上枱时俾埋辣酱同汤，不过我唔系好肯定个汤系跟呢个饭定系其他菜式，冇印象餐牌有写，个饭表面睇落系全素，但食落会食到少少牛肉碎，我钟意佢个冬菇唔系切到一丝丝而系一片片，而且饭量都够多。
呢个系蜜糖酱油炸鸡，甜度对我黎讲甜左少少少少，酱油味唔突出，肉质juicy，食完之后唔会有一种好热气既感觉，下次再黎我会试下其他味道。
最后既牛肉紫菜卷我地三人一致认为麻麻地，牛肉好un，饭粒干身偏硬，个卷易散，不过麻油味几香。呢间餐厅性价比高，大机会encore，多d人一齐食可以嗌多几款share，不过店面唔大，要有心理准备等位喇。
张贴
