季稻 (已結業)

朋友喺附近返工，佢话呢间泰国菜之前有同同事一齐食过午饭，觉得好抵食，所以呢一日就约埋我一齐黎试一试晚饭。 睇落个餐牌都几抵食，2至3人餐都只系需要200几蚊。于是我地就费事谂，所以就直接点呢个套餐。 炒杂菜好丰富，有粟米仔，椰菜花，芥兰，萝卜，木耳等等。炒得好香口，而且蔬菜亦都新鲜。 椰奶鸡汤呢个汤会用火热住，保持温度，汤要热饮先至会更加好饮，呢个椰奶鸡汤椰奶味浓郁，而且里面材料亦都好丰富，有大量鸡肉同菇。 泰式海南鸡海南鸡口感嫩滑，皮嘅油脂非常香，皮下脂肪亦都较少，很好吃，用来送饭一流。 蟹肉炒饭因为觉得食白饭比较普通，所以就加左钱转左做蟹肉炒饭，估唔到蟹肉炒饭会有埋蟹籽同埋芒果，非常惊喜，芒果唔会酸，好新鲜，蟹肉亦都有鲜甜味，份量亦很多。 呢𠮶二至三人餐份量非常丰富，所以都食到好饱。另外套餐亦都会包埋饮品，我地分别叫左冻柠茶同埋热零水，呢度比较特别就系糖浆放喺枱面度可以自行调教。 呢度职员非常有笑容同好好礼貌，而且性价比真系好高，食物质素好之余，价钱亦都非常贴地，有机会会同朋友再嚟食。