老鍋台式火鍋 (京都廣場) (已結業)

呢几日天气凉返d，即刻想打边炉，友人介绍左我黎铜锣湾既老锅台式火锅 😍蔬菜盘有好多唔同种类蔬菜同菌类，包括生菜，粟米，南瓜，鲜冬菇，娃娃菜同车厘茄等。生菜非常翠绿，南瓜煮完之后亦非常香甜。打边炉食咁多肉类，有返个蔬菜盘，减低肥腻感，食完都冇咁大罪恶感呀！美国梅花猪，就咁望落去唔太肥，啱晒我呢啲「健康人士」。猪肉肥瘦各有好处，肥既入口香滑，但瘦少少，肉味较香浓。本人就喜欢呢只肉味较浓既美国梅花猪，肉嫩但肉味突出，好食！美人拼酸菜白肉锅。美人锅，听个名都知系会食靓人既汤底，当然材料绝不欺场。入面有乌鸡，红枣，桃胶，菇类同蔬菜等等，一滚起就衬佢未衫「污染」之前即刻饮啖，真系好甜好滋补。而酸肉白肉锅，我都系第一次试，呢个传统台式火锅汤底，味道微酸，令人好开胃，酸菜味唔会太抢，唔会喧宾夺主，抢走其他食材既味道，可以试下呀。