古早牛肉麵 (已結業)

今日放工去左食晚餐，因为想食台湾野，所以特登揾左附近一间台湾餐厅。一入去，见到餐厅环境阔落、舒适，装修亦有台湾既感觉，好似去左转台湾旅行咁。同朋友一人叫左一个晚市优惠套餐，有主食、小食、台式饮品，都系100蚊有找，CP值高。主食叫左个肉燥鸡腿饭，好好食，胜在份量够大。一个女仔食叫小饭都足够。台式饮品叫左抹香珍珠奶绿，奶绿味刚刚好，叫左小甜亦十分合味道！见到套餐亦包其他特别既饮品，朋友叫左奶盖类饮品，试左啖都系好好味。以套餐饮品黎讲，实在系非常惊喜。另外，仲叫左个肉松蛋手抓卷饼，多肉松，手抓卷饼衬热食仲脆口，超好味！总结黎讲，今餐系一个丰富，又食得开心既晚餐，可以再encore！（题外话，厕所环境都好干净，系餐厅加分既位！）