招牌手撕雞 (已搬遷) 新店位置

湾仔区少有嘅性价比高外卖午餐，虽然舖头外观其貌不扬，附近环境有点不太理想，不过佢嘅外卖手撕鸡午餐真系几好食又大份。拣咗手撕鸡冷面，面量绝对充足！手撕鸡嘅份量令人满意，口感都唔错，唔会煮得过火咁。除此之外，仲会配搭青瓜丝同木耳碎，唔惊要剩食鸡同面会好寡👍佢嘅微辣(最少辣)系比10小辣再辣啲，建议唔食得辣嘅人千祈唔好要辣。可以选择加钱再多加一款配料，试过加海蜇，不过反而令整体减分，因为佢嘅量偏少同味道一般，所以都系嗌返佢嘅招牌款好啲啦。