波士冰室

营业中

休息中

突然好想食番啲中式家常小菜，见到对面波士餐厅装修得几靓，所以就入去试下，坐位都好舒适宽落。我地总供叫左两个小菜套餐。蒜蓉炒菜心啲油落得多左少少，蒜蓉味唔够浓，菜心还可以，不过不失。咸蛋蒸肉饼呢款真系经典家常小菜黎，卖相都唔错，猪肉蒸得刚刚好，吾会好硬，不过咸蛋略为细左少少，如果可以大番啲，咁就更加好味。另外我地跟餐叫左个例汤，例汤用料都算相当丰富，有好多红萝卜及瘦肉。值得一赞系侍应姐姐相当友善，见到佢都忙到踢晒脚，但依然保持住笑容。