天后站清湯腩

营业中

休息中

同老公睇完戏，见有啲肚饿，谂住随便揾个地方食啲野，行到宝盈花园附近见到一间粉面店，听讲都几出名，咁就试下喇！ 店舖地方唔大、较细，座位狭窄，衞生情况一般，水要自己出去酙，但食物味道唔差。墨鱼丸河粉粒粒墨鱼系里面，口感爽弹，属正常水平，未算有太大惊喜。炸鱼皮炸鱼皮亦非常之正，不但份量足，好大份，而且炸得十分酥脆，食完一块又一块，咬落脆卜卜，够干身又唔油腻，味道亦唔算咸，好似薯片咁又薄又脆，无论就咁食定系浸汤食都一流。清汤沙腩米粉第一时间就饮一啖汤，饮落几香嘅牛骨汤，汤底以新鲜牛腩+牛骨以及其他配料制成。然后又夹咗一旧沙腩，肉味浓郁，肥瘦均匀，入口松化，油香味浓，脂肪同肉质分布好平均，牛肉上下夹住层脂肪，口感亦比一般牛腩多层次，整体上唔错，份量就同一般嘅牛腩面差唔多，有机会一定会再嚟试。