河內越式料理 (西洋菜南街)

营业中

休息中

老公投诉话我好耐冇陪佢食越南菜，今日路经旺角，就喺河内越式料理买外卖返屋企慰劳下佢。佢最钟意食火车头牛肉粉系列，而我就拣咗比较精选啲嘅河内牛腩片汤河粉，值得一赞嘅系佢嘅汤底好香浓但唔系过咸，算系几正宗。而且仲有劲多牛腩，以呢个价钱嚟讲算系相当抵食。另外就拣咗顺化猪肉卷捞檬，仲会配一大份鱼露。猪肉卷充满香料味，而且份量都相当多。因为鱼露够晒多，所以食起上嚟既清新又清爽。主食仲可以优惠价选购小食，越式猪颈肉虽然系小食，但份量一啲都唔少，亦唔会烧得太干身，性价比非常高。越式炸虾饼肉质好弹牙，味道亦唔错，点埋甜酸酱简直系绝配。加$10仲有特饮，拣咗珍多冰同青柠梳打，两杯都真材实料够哂味。