The Lounge

营业中

休息中

之前同事结婚冇请我地饮，之后补番系呢间酒店的桃里请食饭，食物质素唔错，有专人服侍，及后有另一位朋友介绍呢间食tea坐得舒服，楼底高，光感足，最重要系价钱平，378 tea set for 2, 部份credit card有8折。今日带埋bb一齐去，系坐得几舒服， 楼底高， 亦有用椭圆形铁架奉上afternoon tea, 咸甜点加埋有11款, 另包两杯咖啡或茶。其实d野食唔系话好好，但够平。 第一层系烟熏鸭胸卷， ham, 龙虾番茄cocktail, 迷你火腿芝士三文治。 龙虾番茄 cocktail几特别，每个杯仔入面有一小块已去壳蟹钳。中间一层系甜品， 士多啤梨芝士蛋糕，抹茶蛋糕，开心果芭芙， 特浓朱古力星星棒(我囡最爱，因为造型靓)。最下层系鲜果tart同scone ,scone唔够牛油，好散，冇咩味，同其他酒店的差好远总体黎讲呢个价钱，环境，地点ok,影相靓，性价比高，可以再黎。