影片
更多
2023-01-22
83 浏览
小foodie美食之旅-韩国篇 今次去咗乐富广场嘅小火焰食韩国嘢，第一次去乐富广场发现地方好大，不过餐厅都唔会好难揾。餐厅装修好有气氛，播住韩团嘅歌。我六点左右去到就唔使等位。见到餐牌有好多页，好多唔同嘅嘢食可以拣，最后决定食觉得最抵嘅二人餐，有齐晒前菜主菜甜品等等。前菜我就拣咗炸鸡沙律，因为咁样就可以满足到我想食炸鸡鸡嘅欲望，炸鸡上面有好多酱 ，红卜卜，卖相好好，不过其实就唔系好辣嘅。沙律上面淋咗麻酱，可以清新下。另外仲叫咗一个猪颈肉，猪颈肉系薄切嘅，食落其实有少少似泰式风味。落单嘅时候见到好吸引所以决定就加钱要在一个大酱韩式海鲜锅，估唔到黎到真系好震撼 ，入面竟然有龙虾，仲有好多鱿鱼等等嘅海鲜。大酱饮落唔会好咸，味道啱啱好，作为年糕粉丝嘅我好开心，入面都有好多年糕好烟韧，咁啱天气又涷涷地，饮埋个汤就够晒暖呀。另一个主菜就叫咗男朋友想食嘅炒粉丝，粉丝上面有好多肥牛， 系正常质素 ，不过欣赏佢粉丝煮到唔会硬。最后仲有一个甜品㖭，食咗芒果窝夫，够热够脆，雪糕就似系大品牌嘅雪糕，食落一冻一热，几好味。饮品就叫咗两杯梳打，我饮桃味男朋友饮巨锋味，正常发挥，唔会太甜，都几解渴。 整体嚟讲质数系
今次去咗乐富广场嘅小火焰食韩国嘢，第一次去乐富广场发现地方好大，不过餐厅都唔会好难揾。餐厅装修好有气氛，播住韩团嘅歌。我六点左右去到就唔使等位。见到餐牌有好多页，好多唔同嘅嘢食可以拣，最后决定食觉得最抵嘅二人餐，有齐晒前菜主菜甜品等等。
前菜我就拣咗炸鸡沙律，因为咁样就可以满足到我想食炸鸡鸡嘅欲望，炸鸡上面有好多酱 ，红卜卜，卖相好好，不过其实就唔系好辣嘅。沙律上面淋咗麻酱，可以清新下。
另外仲叫咗一个猪颈肉，猪颈肉系薄切嘅，食落其实有少少似泰式风味。
落单嘅时候见到好吸引所以决定就加钱要在一个大酱韩式海鲜锅，估唔到黎到真系好震撼 ，入面竟然有龙虾，仲有好多鱿鱼等等嘅海鲜。大酱饮落唔会好咸，味道啱啱好，作为年糕粉丝嘅我好开心，入面都有好多年糕好烟韧，咁啱天气又涷涷地，饮埋个汤就够晒暖呀。
另一个主菜就叫咗男朋友想食嘅炒粉丝，粉丝上面有好多肥牛， 系正常质素 ，不过欣赏佢粉丝煮到唔会硬。
最后仲有一个甜品㖭，食咗芒果窝夫，够热
够脆，雪糕就似系大品牌嘅雪糕，食落一冻一热，几好味。饮品就叫咗两杯梳打，我饮桃味男朋友饮巨锋味，正常发挥，唔会太甜，都几解渴。
整体嚟讲质数系中上，不过二人餐性价比真系好高，好多嘢食，食到好饱😋
张贴
