影片
更多
2023-06-26
2084 浏览
-午餐:平日$98 75分钟，假期/前夕/初一十五 $118 90分钟下午茶: 平日$78 75分钟，假期/前夕/初一十五 $98 75分钟晚饭 平日$148 90分钟，假期/前夕/初一十五 $178 90分钟又系🐷好钟意嘅简约木系餐厅，墙身仲有干花，营造出大自然嘅感觉🌿同以前旧式斋舖嘅装修截然不同。店员态度非常好，会主动收集食客意见。好多素食自助餐都有仿肉，呢间难得冇。菜式繁多，等🐷重点介绍啦！🍌拔丝香蕉必须首先介绍，因为太太太好食😍蚂蚁人唔可以错过。一个用糖丝制成嘅金色塔，下面放住少少炸物，唔需要怀疑，果啲炸物真系香蕉😂刚出炉香蕉轻轻炸过，配搭糖丝又香又甜又脆😋见到要把握机会拎，因为一出场就好快俾人抢哂，店员仲讲过制作时间比较耐，所以出得慢啲。🍤炸物全部都香脆，🐷唔太食炸野都要俾个like👍🏻🥠锦卤云吞云吞皮超脆口，馅料系磨菇🍄，份量略少。💜金丝香芋卷 好香芋头味，外皮炸过所以整体口感丰富，略为饱肚。🥛炸鲜奶新产品，外脆内软，香浓鲜奶味又唔会太甜😍🥔黑椒薯仔超香浓黑椒味，薯仔口感松软，略为饱肚。💜紫薯球淡淡紫薯蓉香味，混杂粟米、马蹄，口感丰富，唔太甜但饱肚。🥒青瓜苗比较少地方有得食
午餐:平日$98 75分钟，假期/前夕/初一十五 $118 90分钟
下午茶: 平日$78 75分钟，假期/前夕/初一十五 $98 75分钟
晚饭 平日$148 90分钟，假期/前夕/初一十五 $178 90分钟
又系🐷好钟意嘅简约木系餐厅，墙身仲有干花，营造出大自然嘅感觉🌿同以前旧式斋舖嘅装修截然不同。
店员态度非常好，会主动收集食客意见。
好多素食自助餐都有仿肉，呢间难得冇。菜式繁多，等🐷重点介绍啦！
🍌拔丝香蕉
必须首先介绍，因为太太太好食😍蚂蚁人唔可以错过。一个用糖丝制成嘅金色塔，下面放住少少炸物，唔需要怀疑，果啲炸物真系香蕉😂刚出炉香蕉轻轻炸过，配搭糖丝又香又甜又脆😋见到要把握机会拎，因为一出场就好快俾人抢哂，店员仲讲过制作时间比较耐，所以出得慢啲。
🍤炸物全部都香脆，🐷唔太食炸野都要俾个like👍🏻
🥠锦卤云吞
云吞皮超脆口，馅料系磨菇🍄，份量略少。
💜金丝香芋卷
好香芋头味，外皮炸过所以整体口感丰富，略为饱肚。
🥛炸鲜奶
新产品，外脆内软，香浓鲜奶味又唔会太甜😍
🥔黑椒薯仔
超香浓黑椒味，薯仔口感松软，略为饱肚。
💜紫薯球
淡淡紫薯蓉香味，混杂粟米、马蹄，口感丰富，唔太甜但饱肚。
🥒青瓜苗
比较少地方有得食，冷盘，口感清爽，有少少麻油味，食多多都唔会厌🥰
🥦素蟹柳西兰花
西兰花上挂住浓厚嘅蟹柳汁，清新鲜味👍🏻
🥚日式流心蛋
用日式酱油制成，唔会太浓味太咸，加埋流心蛋黄，好食👍🏻
🍔全素迷你汉堡
馅料有藕饼、蕃茄、青瓜，🐷觉得夹埋一齐味道有啲怪怪地，唔太推荐🥲
🥣萝卜味菜胡椒汤
虽然冇我地成日食嘅猪肚，不过都好好味，胡椒味浓，萝卜冇筋👍🏻
🥣碗仔翅
超多素翅同菇🍄，口感浓稠。🐷好钟意食碗仔翅同胡椒汤嘅时候加超多紫菜，好好味😋
🧁甜食有水果、沙律吧、红枣糕、姜汁糕、芝麻糕、雪糕等等。
🫚红枣糕＆姜汁糕
分别有浓郁嘅红枣味同姜汁味，仲唔会太甜，用竹笼一直保温，暖笠笠口感仲非常烟韧弹牙，推荐👍🏻
🍦雪糕
每次黎嘅口味都有啲唔同，当日有玄米茶、芒果、香芋、抹茶、海盐味选择。
最后拣左海盐味，好靓嘅浅蓝色🩵，海盐味同奶味好好味😋
🍬饮品有桂圆水果茶、龙眼冬瓜茶、罗汉果茶普洱茶，养生又好味。仲有即磨全素咖啡☕️，仲可以加燕麦奶或椰子奶🥛
🫰🏻店员介绍9点前晚餐时段可以$68外卖，9点后堂食+$20就可以外卖，外卖可用主食同饮品器皿各一。店内有纸盒或微波炉胶盒提供，食客亦可自备饭盒外卖。
店员解释公司系为环保出一分力，减少浪费食物，🐷非常欣赏餐厅呢个理念🤩环保之余食客亦可以用较优惠嘅价钱食到好多款有营养又好味嘅食物😋
🫰🏻食完野之后大家记得自律清理枱面同埋收餐具呀～
张贴
