&tmR (已結業)

路过见门口menu价钱相宜即管一试。扫qr code自己落单，直接手机支付后，光速已经上菜。上菜用嘅胶碗碟好家庭feel一啲都唔华丽，但食物入口有惊喜。炸鱿鱼圈超嫩滑松软，口感加味道值5 星。果茶有新鲜水果，唔系就咁俾个果味茶包。叫左个青口青酱饭，卖相唔靓，但味道ok, 份量亦多。蒜蓉包趁热食，又系非常松脆。西芹鸡肉焗薯，个薯热辣辣，鸡肉系冷盘摆上顶，鸡肉唔会鞋口，而且都几多块。整体抵食不特止，仲坚系好味的。